Transcription
1
Monsieur, cestecy ne servira que pour doner voye aux
2
paquetz et letres que troverés cy encloz. Jay receu votre
3
letre du VIIIe et soudeyn ay faict distribuer les letres
4qui estoient dans ce depeche, mesmes [barré : la letre ] celles
5
du sieur de Chastelard du XXXe du passé. Ce matin
6
jespère quon commencera à vaquer au faict de madame
7
la Grand où il fault quassistent messieurs des comptes.
8
Jay receu une letre de monsieur de Maulgeron du VIIe.
9
Jay mis ung mot de response dans ce paquet.
10
Je vous supplieray humblement au premier depeche que
11
luy ferés la fère metre dedans. Monsieur Du
12
Monestier alla hyer à La Mure pour doner le melieur
13
ordre quil pourra à la garde des chasteaux menassés
14
par les hugue[n]otz mesmes par le capitaine Cadet quy
15
sest retiré à eulx. Ilz menassent aussi bien fort
16
après ceste tresve expirée Clays, Feysins et Sassenage
17
et toute notre valée. Nous verrons ce que Dieu
18
nous dorra. Je desireroys scavoyr de vous si
19
nous retirerons ce bien de vous voyr en ce lieu à
20
la tenue des estatz. Surce, prieray le Createur,
21
monsieur, vous doner en santé heureuse et longue
22
vie. De Grenoble, ce XIIe de fevrier 1574.
23
En escrivant la presente, jay receu ung
24
paquet des montagnes que troverrés
25
cy encloses et verrés le stile du
26
vibaly de Brianson.
27
Vostre très humble et obeissant
28
serviteur g deportes